Sósia Sénior, Wong Alliance LLP
Diretora, Wong Alliance Law Office (TL) Lda

Wendy Wong Mei Yoke(Mrs)

Advogada ho esperiénsia iha bankária, finansas korporativu no planeamentu susesóriu

Inskrisaun

Advogada no Solisitadora, Singapura
Solisitadora, Inglaterra no País de Gales (la iha exersísiu)
Notária Públika
Komisária ba Juramentu
Trust & Estate Practitioner (TEP)

Prátika

Wendy hahú ninia karreira nu'udar jurista iha banku estranjeiru ida iha 1979. Iha dékada haat ikus nu'udar advogada iha exersísiu, nia akumula esperiénsia luan ne'ebé fó ba nia vizaun kompletu kona-ba asuntu jurídiku no permite nia fó konsellu integradu no solusaun efetivu ba ninia kliente sira.

Wendy mak trust practitioner kualifikadu (TEP), membru efetivu Society of Trust & Estate Practitioners nian. Nia tuur iha konsellu kapítulu Singapura husi organizasaun karidade internasionál ida, no iha konsellu instituisaun lokál ida ho estatutu Institution of Public Character (IPC).

Rikeza, susesaun, fideikomisu no filantropia

Wendy ajuda no fó konsellu ba:

Fiduciáriu profisionál no kompañia fiduciária kona-ba asuntu sira-nia negósiu, inklui preparasaun no revizaun eskritura fideikomisu no dokumentu relasionadu, rekezitu regulatóriu, no konformidade.
Indivíduu sira kona-ba estratéjia transferénsia rikeza entre jerasaun, protesaun ativu, no governasaun família, inklui harii fideikomisu família, konstituisaun família ka aktu arranju família, estrutura no apoiu ba single family office, pedidu izensaun fiskál tuir Singapore Income Tax Act, no apoiu ba sira-nia implementasaun.
Instituisaun karidade kona-ba konstituisaun, governasaun, rekezitu regulatóriu, no konformidade.

Finansiamentu, direitu korporativu no komersiál

Wendy fó konsellu no ajuda ba:

Ema ne'ebé fó no simu empréstimu, institusionál no indivíduál, kona-ba estrutura finansiamentu oioin, inklui sindikasaun empréstimu, fasilidade emisaun títulu, no finansiamentu projetu no hipoteka.
Banku no instituisaun finanseira kona-ba preparasaun sira-nia dokumentu empréstimu no garantia padraun.
Emprezáriu sira ne'ebé sira-nia negósiu mak start-up ka kompañia ne'ebé opera ona, no emprezáriu sira ne'ebé serbisu atu lista sira-nia asaun iha bolsa. Nia apoia ativamente kliente sira iha reestruturasaun molok IPO no iha asuntu governasaun korporativu hafoin IPO.
Kliente korporativu kona-ba asuntu kontratuál sira-nia negósiu nian, inklui fuzaun no akizisaun, reestruturasaun entidade negósiu, no akordu entre asionista sira.

Konformidade regulatóriu

Wendy nia ekipa trata servisu sekretariadu korporativu no konformidade regulatóriu ba subsidiária iha Singapura ka kompañia grupu husi kompañia sira ne'ebé lista iha bolsa iha nasaun seluk, inklui New York Stock Exchange, National Stock Exchange of India, Kuala Lumpur Stock Exchange, NASDAQ, no Tokyo Stock Exchange.

Propriedade

Wendy nia esperiénsia hahú husi transmisaun propriedade ba konsumidór to'o konsellu ba promotór sira kona-ba sosa no dezenvolve rai, inklui estrutura empréstimu ba rai no kustu konstrusaun. Nia mak pioneiru iha privatizasaun empreendimentu Housing and Urban Development Company (HUDC) nian iha Singapura.

Kontaktu ba konsulta

Husu konsulta +65 6533 2883

Ami-nia Advogadu sira

Fila ba Ami-nia Advogadu sira